കചടതപയും ങഞണനമയും ഒക്കെ കൂട്ടുകാർ പാടി പഠിച്ചില്ലേ... ക്ലാസുകളുടെ ഇടയ്ക്കും അവസാനവും ഒക്കെ കൂട്ടുകാർക്കു ചെയ്യാനും പാടാനും ഒക്കെ ഇതുപോലെയുള്ള പ്രവർത്തനങ്ങൾ ഉണ്ടാവുമല്ലോ... അതു ചെയ്യാൻ തയാറായി വേണം ക്ലാസ്സിലിരിക്കാൻ. പഠിക്കുന്നതിനാവശ്യമായ ബുക്ക്, പേന, പെൻസിൽ, ക്രയോൺസ്, വർണ പേപ്പറുകൾ, പഴയ പത്രക്കടലാസുകൾ ഇവയൊക്കെ അടുത്തു വേണം. എൽപി ക്ലാസിലെ കുട്ടികളോടൊപ്പം, കഴിയുന്നത്ര രക്ഷിതാക്കളും ക്ലാസിലിരുന്നു കേൾക്കണം. അതു കുട്ടിക്കു പിന്നീടു പറഞ്ഞു കൊടുക്കാനും അവരെ പ്രവർത്തനങ്ങൾ ചെയ്യിക്കാനും ഉപകരിക്കും.